مينفعش تبقى شوكة واحدة وورد كتير ؟؟!!

هو مينفعش تبقي شوكة واحدة و ورد كتير ؟

ولا لازم تبقي وردة واحدة وشوك كتير ؟

مش عارفه اذا كنتوا فهمتوا قصدى او لا ...

بس وانا بفكر في حاجات كتير قدامى جه في بالي التشبيه دة , وافتكرت كام غنوة من بتوع زمان وحتى دلوقتى .. مشيت علي الاشواك , الشوك بقي مالي الورد , فوق الشوق , بياع الورد ....

ساعات كتير الواحد بيقول معلش نستحمل عشان في حاجات كتير حلوة تخلينا نقدر علي اللي مش الحلو .... بس دلوقتى بقي في حاجات كتير مش حلوة وعادية وبنستحملها عشان نستنى الحاجه الحلوة ..

ياريتها كانت شيكولاته ولا حتى حتة جاتوه .. كنا اشتريناها

لكن الحاجات الحلوة مش بالسهولة دى .. علي عكس الشوك اللي فعلا بقي مالي الورد ..

المشكلة الاكبر اننا مبقيناش نفرق بين الشوك والورد .. ومش عارفه من كتر الشوك ووجعه ولا حتى من مساخة الورد اللي مبقاش له طعم وريحة ؟؟

شوف كده حياتك فيها ايه تصنفه اانه حاجه حلوة ( ورده ) وفيها ايه تصنفه انه حاجه بايخه معكننة عليك ( شوكة ) وشوف بوكيه حياتك فيه شوكة واحده مستحملها عشان الورد كتير .. ولا شوك كتييير وفي اخره ورده واحده نفسك توصلهاا !!!

احفظ بلدنا يارب

مر عام اخر علي ميلادك يا رب البشر

عام مليء بالالم والحزن والكوارث

عام موجع بكل المستويات

مرت ايامه كالدهر الطويل

ولياليه بدت بلا نهاية

وكلما سطعت شمسه اتت بالم اكبر

وها نحن ننتظر عاما اخر يدق علي الابواب

نري فجره بعين دامعة .. عين تطلب الرحمة والامان والرجاء

ونطلب بقلوب متالمة لمسة رجائك

نطلب بايادى ضارعة ان تمطر علينا خيرك وعدلك

نرجو بنفس صافية ان تزيل كل ما يعكر صفوها

نطلب حضورك الملكى الاعظم .. نطلب سلطانك

نطلب مجدك وتواضعك .. نطلب حمايتك وحفظك

نطلب قوتك ورحمتك .. نطلب خيرك ورجائك

نطلب بركة خاصة وفيرة لكل شعبك

مبارك شعب مصر

انت قلتها يارب .. انت نزلت الي مصر لتختبىء فيها من البطش والظلم والقتل

اجعلها حماية يا رب لكل شعبها

اجعل ابواب مصر حصن امين

اجعل مصر ينبوع الخير الدائم الذي يفيض من نهر المحبة الساكن في نفس كل واحد منا

احفظ مصر من الفتن والشرور

احفظ بيوتك وشبابك وابنائك وبناتك

احفظ بلدنا يارب ...

2012

2012

كم من الاعوام مرت علي ميلادك يا طفل المزود ؟؟

 كم من الايام مرت علي لقاءك الاول ؟؟

كم من الازمنة والعصور انتهت وانت لم تنتهي ؟؟

كم من الممالك والسلاطين اختفت وانت قائم ؟؟

نعم يا ربي انت القائم والكائن الازلي وجميع الاشياء تزول ..

انت هو الالف والياء والبداية والنهاية

 مضت كل هذه الدهور ونحن ننتظر يوم ميلادك .. رقم 2012 .. ننتظره كانك ستولد وسطنا لاول مرة , نجهز لك مكان استقبال يليق بسكن ملك الملوك ,, نهنئك ونهنئ انفسنا بمجيئك وتواضعك وسلطانك العظيم الذى اختزلته في جسد .

نعم يا رب اخترت ان تصبح انسان يكسوه الجسد ويحييه الزاد اخترت ان تكون مثلنا .. اخترت ان تاخد مكانة الخطأة .. لكنك لم تعط للخطية مكان في دنياك .. فاعطيتنا المثال الاعظم لنعيش علي مثلك ..

لماذا تفعل بنا هكذا ... !!؟؟

لماذا تفعل بنا هكذا؟؟؟؟

تجعلنا فى غاية السعاده , فى منتهى الارتياح , ونشعر بالاكتمال فى الاخر وكأن كل جزء ليس له الا الجزء الاخر , الحزن فيك يتحول الى مجرد لحظة نتشارك فيها مع هذا الجزء فتمحى من الزمن , الفرحة فيك هى الشعار الدائم للحياة بل ليست مجرد فرحة انها ذلك الشعور باكتمال السعادة الذى قد يصل الى النشوة الابدية التى لا تجعلك تبحث عن شىء اخر بل تدفعك الى المحافظه على هذا الجزء المكتمل فيك.

تجعلنا محاطين برهبة الانقسام مرة اخرى ,نخاف من البحث عن اكتمال اخر حتى ان كنا لا نعلم مدى السعادة التى قد تكمن فى هذا الاكتمال الاخر ,تجعلنا نتقدم للامام فى كل شىء ,علاقاتنا , حياتنا الخاصة والعامة , تجعلنا نقبل تأثير الأخر فينا بل نرحب بهذا التأثير .

تجعلنا نعيش الحياة بكل جوانبها ونلمس كل جزء فيها , تجعلنا نعيش بكل البساطة التى وجدت فى الكون, تجعلنا نعيش للاخرين , تجعل حياتنا هى ذلك الاكتمال لاغيره ,

يكون كياننا هو ذلك الجزء المشترك الذى يدفع كل جزء للسير نحو الجزء الاخر فى مسيرة للامام , مسيرة مقننة بوجود المكمل فيها وقد يكمن وجوده حتى فى الهواء المتنفس , فى الزاد الذى نتزود به , فى الابتسامة التى تزين وجوهنا.

لكن........... انتظر أنت لست حلوا لهذا الحد , لست مجرد رمز للحياة والسعادة والسير للامام .. , فأنت ايضا مرا, ومرارتك قاسية الى ابعد الحدود , قسوتك قد تجعلنا نفضل الا نكتمل ابدا , الا نتذوق هذا الطعم الابدى للسعادة , ان نفضل عدم الانخراط على هذا الارتياح .

فاذا كانت سعادتك ابدية فحسرتك ايضا ابدية . واذا كان ارتياحك بلا حد فشقاؤك ايضا يلازمنا الى الابد .

تجعلنا نفضل الوحدة والحزن والانغلاق على انفسنا على ان نصبح مطروحين فى هلاك قسوتك . تجعلنا لا نريدك مرة اخرى , تجعلنا لا نبحث عن المكمل , بل نعيش مجرد اجزاء متناثرة بعيدة كل البعدعن بعضها , اجزاء لا تكتمل , ولا تريد هذا الاكتمال.

غدرك يشقينا ما دمنا نعيش , يجعلنا لا نعود نثق بك بل نتذكر مرك وشقاءك الى ان ننتهى.

انت لعنة الانسان وضعفه مهما كانت عظمة اكتمالك , ان ضعفك يجعلنا لانعود احياء,

يجعلنا مجرد نقطة تطير مع الرياح يلوثها غبار الحياة ولا تعود الى زهوها ولمعتها , مجرد نقطة احيانا شفافة والاكثر قاتمة خالية من كل معانى البهجة والحياة , خالية من الهواء , لا تتنفس ولا حتى تريد ان تتنفس , تجعلنا نبحث عن النهاية السريعة , تجعلنا ننتظر الطريق الى اى مكان بعيد .. نلقى فيه المزيد من الرياح والغبار حتى نختفى , وعندما نختفى نكون ادركنا انك كنت كاذب ..مرير.. قاسى .. هالك..

كل ما فيك من حلاوة ما هى الا عذاب مر .

اذهب الى الجحيم ولا تعد الينا مرة اخرى , لا نريدك فى الحياة .. اياك ان تطرق بابى مرة اخر ى . اتركنى هنا نقطة مختفية لا كيان لها ولا وجود , اتركنى وحدى احاول ان الملم ما تبقى في من رجاء ...

نعم ..رجاء هو ما يبقى لى . هو ما يقيد وجودى بالحياة . بلا رجاء انا ميت , مدفون تحت انقاض القسوة والعذاب .

ايها الرجاء ساعدنى اجعلنى ابحث عن ذاتى , اجعلنى انثر الغبار عن وجهى , سكن الرياح من حولى لاستقر على مكان أمن , هادىء , ملىء بالتفاؤل والخير....2007

أنا فين ؟

أنا فين؟

انا انسان عايش بيفكر.. موجود .. ولا ماليش كيان.. وانا مش انسان

فين زمنى ؟

فين وطنى؟

فين اهلى؟

فين معتقداتى؟

فين قرايبى وحبايبى؟

ممكن يكونوا معايا وانا اللى شايفة نفسى وحيدة؟

ولا انا فعلا لوحدى؟؟؟؟؟

فين احلى صفاتى ؟ وفين افعالى اللى بقدمها ..وفين ردودها؟

انا حاسة انى مجرد ذكرى.. ذكرى لنجاحات.. لاماكن زرتها..لناس عرفتها..مجرد ماضى ..

ماضى مش عارف يعيش الحاضر ولا حتى نفسه فى مستقبل

هو انا فعلا بقيت كده؟ ولا بس انا اللى مش عارفة اكون الحاضر وادور عالمستقبل؟

بس انا بحب الماضى ونفسى ارجع اعيش فيه .. عايزة ارجع طفله.. ايوة طفله بضفايرى وبسذاجتى وبحبى للحياة طفله مش شايله هموم ولا فى دماغها مستقبل ..طفله عايشة .. العب واجرى واروح المدرسة

واجرى بعجلتى واسابق الريح واتنطط فى الشارع العب اولى واستغمايه..

انا وحشتنى برائتى

مليت اوى من حساب الايام اللى عدت او اللى لسه هتيجى

.. مليت من الخصام والزعل

.مليت من اللى الهم مليت من الغم

مليت من الدموع اللى ماليه قلبى قبل عينى...

عايزة اعيش من غير سبب من غير هدف

عايزة اما اصلى اقول يارب خلى بابا وماما وادي لبابا فلوس عشان يفسحنى ويجبلى اللعب الحلوة

لكن دلوقتى اما بصلى بقولك ليه؟

وبسالك ازاى؟

انا عايزة ارجع مفكرش..

. عايزه اعرف اشكرك بجد

عايزة اضحك بجد .

..ياريتنى ما فهمت الدنيا

يارتنى فضلت طفله

26/9/2009

مجرد وشوش

وشوش
مجرد وشوش مالهاش قلب
مالهاش دماغ

مجرد وشوش
بتعبر عن حاجات مش بالضرورة تكون قاصدها
ممكن تقول حاجات مش قاصده معناها
ممكن كمان تكون بتضحك
وممكن تبكي
ممكن تسال وممكن تنسي
ممكن تساعدك وممكن تغدر

مهى مجرد وشوش
منهم وش يقابلك وياخدك في حضنه
ويقولك انت فين بقالك كتير ؟
ومنهم وش يضحك اما يشوفك ويقولك
يا راجل ...ده انا كنت فكرك فلان !!
ومنهم وش يلمحك يدمع
مانت يمكن تكون جرحته او حتى مجرحتوش
وكمان وش يشوفك يلف .. يلف
يلف ويخليك متشوفوش

بس السؤال هنا؟

هو انت كمان وش من ضمن الوشوش ؟
هو انت اللي بتضحك ولا اللي بتدمع ؟
انت اللي بتلف وترجع .. ولا اللي بتحضن اللي يقابلك ؟
انت ليك قلب ودماغ ؟
ولا انت مش انسان ؟

وكمان سؤال ؟
هو انا انهى وش فيهم ؟
هو ليا قلب ... ولا وشي مجرد وش من ضمن الوشوش ؟؟


26/2/2011

ألوان السما السبعة ...

ولو الدنيا قفلت عليك بقفل ..

اخلق لنفسك دنيا من جديد ..

واكبر معاها ولونها باحلي الوان السما..

خلي الاحمر يبقي لون الحب ..

والازرق يبقي منتهى الصفاء ..

وكمان الاخضر هيفكرك بكل نبته صغيرة

.. والنيلي يقولك انا لونى لون اعرق شيء في الحياة ..

وكمان بنفسجى وبرتقانى .. يخلوك تتغنى باحلي الاغانى

والاصفر كمان يكون احلي لون للشمس في ساعة سكون

.. عيش واخلق لنفسك دنيا من جديد

واختار لونك او حتي عيش بكل الوانك

مهى الوان السما اتوجدت عشان تحسها

لما مثلا قلبك يتملي بالحزن والكآبة وتبقي دمعتك اقرب من كلامك

افتكر اللون الاحمر اللي هيملا قلبك  باحلي الوان الدفا

ولما تحس بزحمة الدنيا والافكار ووزحمة الحس و الاسرار

بص للبحر .. او حتى السما ..بص لاحلي لون اتوجد 

لون السما .. لون الفضا .. لون القلب اللي عمره ما اتلوث بزحمة او مشكلة

دور علي اللون الازرق واتملّي منه .. هتلقي عينك بقت تشوف اخر السما

ولما يشغلك تفكيرك بان كل حاجه خلصت او اتشبكت

ولما تفكر ان مفيش حاجة جديدة راح تحصل او حتى تبتدى

بص لاي زرعة صغيرة , بص لاي وردة لسة مفتحة

حس بيها لما كانت صغيرة ,, وفكر انها كبرت وبقت منورة

ساعتها بس هتلمس خضار الزرع وهو بيفتحلك كل سكة كانت متقفلة

ويفكرك بان كل شجرة كبيرة كانت في يوم حبّة صغيرة

ولما في يوم تشوف نفسك في مرايتك حاجه قصيرة وصغيرة

او انك تكون جديد علي عالم فيه كل حاجه مقفلة

فكر في اطول حاجة بنمشي من جنبها

فكر في اقدم حاجة موجوده .. ولسه بتفيض بكل الخير وهتفضل للمنتهى

بص للنيل اللي بيجرى جنبك .. اللي مستحمل قرفنا وذنبنا

وقوله .. لونك الحلو ده  (النيلي) خلانى اصدق في الارادة والمعجزة

وقوله شكرا .. شكرا بجد علي كل حاجه بتقدمها لينا ولسه هتقدمها للمنتهي

ولما تبقي مش قادر تسمع اي صوت .. ونفسك تسمع جمله حلوة تتحس متلحنة

او حتى كلمة احلي تلمسك وتمس احاسيسك الحزينة او حتى المفرحة

دور علي البنفسجى اللي هو شوية اححمر علي حبّة ازرق.. بس عارف يعنى ايه ؟

يعنى كل حاجة في قلبك ومشاعرك اتجمعوا وسط البحر او فوق في السما

وبعد ما توصل لسابع سما بص علي الشمس وقلها 

لونك البرتقانى خلّانى اشوف كل حاجة نورها ساطع

وعليها احلي خيال لاحلي شمس مدورة

ولو حسيت ان ورق الشجر بيصفر بيقع او ان حتى الزرع بقي ساكن 

زي اى حاجة كانت حلوة بس مش قادر تحس بحلوها

بص علي الورق الاصفر وركّز اوى وقوله 

انا هزرع الزرع من جديد واكبره لغاية ما خضاره يبقي زاهى

وزهوته تشيل منك كل حاجه ناشفة مكسرة

بس المرة دى هثّبت زرعتى في اقوى ارض ممكن تستحمله

مش هسيب نفسي للدنيا تانى تقفل عليه او تغيره ..

وحتى لو حصل .. منا خلاص عرفت ازاى اغير لون دنيتى 

واخليها احلي دنيا باحلي سبع الوان بشوفهم في السما

27/5/2011    .. 

26/5/2011