هو مينفعش تبقي شوكة واحدة و ورد كتير ؟
ولا لازم تبقي وردة واحدة وشوك كتير ؟
مش عارفه اذا كنتوا فهمتوا قصدى او لا ...
بس وانا بفكر في حاجات كتير قدامى جه في بالي التشبيه دة , وافتكرت كام غنوة من بتوع زمان وحتى دلوقتى .. مشيت علي الاشواك , الشوك بقي مالي الورد , فوق الشوق , بياع الورد ....
ساعات كتير الواحد بيقول معلش نستحمل عشان في حاجات كتير حلوة تخلينا نقدر علي اللي مش الحلو .... بس دلوقتى بقي في حاجات كتير مش حلوة وعادية وبنستحملها عشان نستنى الحاجه الحلوة ..
ياريتها كانت شيكولاته ولا حتى حتة جاتوه .. كنا اشتريناها
لكن الحاجات الحلوة مش بالسهولة دى .. علي عكس الشوك اللي فعلا بقي مالي الورد ..
المشكلة الاكبر اننا مبقيناش نفرق بين الشوك والورد .. ومش عارفه من كتر الشوك ووجعه ولا حتى من مساخة الورد اللي مبقاش له طعم وريحة ؟؟
شوف كده حياتك فيها ايه تصنفه اانه حاجه حلوة ( ورده ) وفيها ايه تصنفه انه حاجه بايخه معكننة عليك ( شوكة ) وشوف بوكيه حياتك فيه شوكة واحده مستحملها عشان الورد كتير .. ولا شوك كتييير وفي اخره ورده واحده نفسك توصلهاا !!!
كم رائع أن نحيا بحياة مليئة بالورود
ردحذفولكن قد يكون المقدر مليئآ بالآشواك
وإن كان فمن عانوا وصبروا إستظلوا
ومن غضبوا وذهبوا ضلو
very very beautiful Topic
your words are very simple
thnx